Friday, August 17, 2007

مدونتي الحزينة ...


تأخر كالمعتاد عن تلك المدونة التي أشهد فعلاً أني أحبها كثيراً ولكن هذه المرة كان أكثر من المعتاد ... لماذا هذا التأخر فعلاً لا أدري حوالي شهر من الغياب ... ولكن هناك أشياء كثير كانت تشغلني تجعل الكتابة من الأمور الصعبة للغاية ... وخاصة أن أحب أن أكتب وانا هادئ الحال مستقر الأنفس وهو ما لم يحدث حتي وقتنا هذا ... كما يبدوا أن الحظ لا يريد أن يبتسم تماما لي لهذا المرة ... فكل مرة أجي أكتب التدوينة دي النت يقطع قبل ما أسجل ما كتبت بطريقة صحيحة فيذهب الموضوع بسب الكهرباء العظيمة الي في بلدنا ... والذي يصر المسؤلين عنها أن السبب الرئيسي لذلك هو الأختراع المسمي بالتكيف ... يلا الحمد لله علي كل حال ... بس صدقاً الحر هذا العام له رائحة مميزة يشعر بها الإنسان في المواصلات العامة بقوة الصراحة ( سترك يا رب ) ... فالله أعلم ممكن تكون تجارة الأقنعة تجارة رائجة الفترة القادمة ... الغريب بقا إن بعد ما كتبتها في ملف ورد النت فصل يومين ... ولكن بعض الأحداث الأخيرة جعلت لكتابة هذه التدوينة قيمة آراها ...



أولا حاجة إن رمضان علي الأبواب ... من المعروف إن رمضان في زمنا دا بقا يجي بسرعة شديدة حتي أن تكاد تذكر أيام رمضان الماضي كأنها الأسبوع الماضي... أتذكر رمضان السنة إلي فات بتفاصيل كثيرة والعديدة ... أتذكر تجمعات العائلة علي الإفطار ... والناس إلي شغالة في شنط رمضان والإطعام ... والناس إلي كانت بتصلي القيام وتبكي ... ذكريات عديدة لها في القلب مكانه كبيرة خاصة إن كانت تعرفي علي ناس كثيرة كانت بداية لأعمال كثير جعل الله ذلك في ميزان حسناتهم ... من جهة آخري مش عارف ليه حاسس إن رمضان السنة مختلف ... طبعاً إنه هيجي مع الحر وبداية الدراسة دي حاجة جديدة شوية بس السنة دي انا مستني رمضان بكل شوق فعلاً ... يمكن عشان السنة دي كانت ثقيلة عليا أوي وكان فيها دينا أكثر من اللازم ... فالواحد نفسه يقعد مع نفسه شوية فعلاً ... يا تري الواحد فعلاً أستعد لرمضان ولا لأ ... ولا الكعادة نسيقظ علي 10 الآواخر من رمضان ... المهم الواحد عاوز يتغير فعلاً للأحسن في رمضان دا ... في رأي الموضوع دا سوف يكون أفضل إن الواحد يحط خطة لنفسه بشكل كامل عشان علي رمضان يكون جاهز بجد هتفرق كثير أوي مع الواحد إن شاء الله ... الحاجة التانية إن الواحد يحاول يعمل أي خير في رمضان من توزيع تمر قبل رمضان علي أهالي المنطقة إلي تجهيز لشنط رمضان وإطعام وموائد الرحمن ... فرصة الخير في رمضان أعلي بكثير والبئية والمجتمع تدعم الأمر بشكل كبير ... ولو حد عاوز مساعدة في الموضوع دا يقول وإن شاء الله نحاول نساعد إن شاء الله ....





الأخوة لها إحساس من الصعب الكتابة فيه ... ولكن من روائع الأخوة أنه مهما أشغلتك الحياة عن من تحب فإنك لا تحمل هماً لأنه دائماً سيعذرك ... هي كلمة إلي من أحبهم فعلاً ...






حاجة آخيرة إن شاء الله مدونتي الحزينة لن اتركها خالية لأنها بالفعل عزيزة لدي ... قد يكون هناك إختلاف في طريقة الكتابة ولكن لن أتركها ... جزاكم الله خيراً ....

14 Comments:

At 2:13 PM, Blogger علاء عارفين said...

ان شاء الله ربنا يقدرك و متسيبش مدونتك تاني ابداً

بالتوفيق

 
At 11:45 PM, Blogger عاشقة الرحمن...سميه العريان said...

اللهم بلفنا رمضان ولا تحرمنا فضله

 
At 4:20 AM, Blogger belal said...

نورتك مدونتك تـــناي
ويا رب ماتقطعشي تــــاني

وترجع أحسن من الأول
....
اللهم ما بارك لنا في شعبان وبلغنا رمضان
....

 
At 8:43 AM, Blogger شاب نفسة يحقق حلمة said...

اولا احب لقوبك حمد الله علي السلامه يا باشا وحشتنا كتباتك اوي وكمان احب اقولك ان المدوننات معموله هلسان الواحد يكتب اللي حاسس بيه
مش لازم يكتب حاجه وخلاص تحياتي ليك
وياريت متتاخرش علينا تاني
تحياتي الشديده ليك

 
At 11:56 AM, Blogger ياسر سليم said...

العريان وراء القضبان

شاركنا فى حملة التضامن مع الدكتور عصام العريان

على مدونتى

 
At 6:04 PM, Blogger FloNa said...

ربنا يكرمنا جميعا في رمضان ده فكرتني بجد اشوف حكاية الشنط الرمضانية من دلوقتي :)

جزاك الله خيرا كثيرا يارب يبقى رمضان السنة دي رمضان عتق علينا جميعا

ولا حرمك الله مدونتك

 
At 4:54 AM, Blogger محمد said...

This comment has been removed by the author.

 
At 4:56 AM, Blogger محمد said...

حدا لله على سلامتك
نورت المدونة من تاني
:)

بلغنا الله وإياكم رمضان

أعانك الله

 
At 5:39 AM, Blogger أحمد سعيد بسيوني said...

بسم الله
ربنا يخليك ليها ويخليها ليييك
وماتحرمناش من تدويناتك تاني
تحياتي
البحر

 
At 1:38 PM, Blogger ahmed mefrh said...

حمد الله ع السلامه
وان شاء الله تعالى لا تمنعنا من تدويناتك
تحياتى
ابو مفراح

 
At 1:48 PM, Anonymous Anonymous said...

عزيزى يامن تتنفس بصعوبة أرجو لك سهولة التنفس فى هذا الجو الكالح شديد القيظ وقد أعجبنى تفكيرك فى رمضان ومدونتك التى أصبحت فرحة

 
At 9:27 AM, Blogger sharkawoo said...

DR_NIGHTWING

إن شاء الله ولا تنسي أنت تزورني :)

****

أختنا سمية العريان

اللهم آمين ...


****

other_things

إن شاء الله قريباً ..

اللهم آمين


****

شاب نفسه يحقق حلمه

الله يخليك يا جميل ... إن شاء الله قريباً ...

****

فلونا

ربنا يعنكم يا أفندم ..

اللهم آمين ...

****

 
At 9:31 AM, Blogger sharkawoo said...

دكتوري وضاح

ربنا يكرمك شرفتنا ... نشتاق اإليك كثير يا سيدنا ...

اللهم آمين


****

Ahmed S. Basyoony

إن شاء الله :)


****

ابو مفراح

إن شاء الله :)

****

mafroos

ربنا يخليك :)

 
At 6:39 PM, Blogger نداء خفي said...

جزاكم الله خيراً

 

Post a Comment

<< Home