Friday, June 01, 2007

قلبي ... أين أنت


كنت قد شاهدت منذ فترة علي قناة الجزيرة الوثائقية حلقة عن نقل الأعضاء وكان الحديث بالأخص عن نقل القلب ... لا أعلم لماذا أردت إكمال هذا البرنامج مع أن هذا الأمر لا يشغلني بقدر كبير ... فهو برناج من مئات البرامج التي يشاهدها الإنسان علي شاشة التلفزيون ... كانت الحلقة تتحدث عن عميلة نقل القلب وكيفية النقل ... وطبعاً بما أن مجال دراستي في كلية تجارة العظيمة فكان الأمر بالنسبة ليا في غاية البساطة والسهولة واليسر ... وما كنت لأتذكر شئ عن هذا الموضوع لولا أنه في النهاية تحدث الأطباء عن آمر غريب ... أن الأشخاص الذين يتم نقل القلوب إليهم يلاحظ عليهم أن لهم الكثير من مشاعر وطباع أصاحب القلوب الفعليين ... فمثلاً رجل تم اجراء عملية نقل قلب له لاحظ أنه يعرف الحان كثيرة لموسيقي الجاز من غير أن يكون له سابق معرفة بتلك الموسيقي من قبل ... ولكن تم اكتشاف أن صاحب القلب الأصلي كان يعمل في فرقة موسيقية تقدم هذا النوع من الموسيقي ... وهكذا ...


هذا ما جعلني أفكر كثيراً فيما يحمله قلبي ... يا تري لو تم نقل قلبي إلي رجل آخر يا تري ماذا سوف يأخذ مني ... يااااه دا أنا قلبي وحش أوي ... كله ذنوب ومعاصي وأمور لا يمكن أن توصف ... يا تري قلبي عايش إزاي كدا ... ويا تري قلبي هيفضل كدا لحد كدا ... أسئلة كثير جالت في خاطري ... جعلني أعيد الكثير من الأمور في هذا القلب ...


حال القلوب يحتاج إلي كثير من الكلام ولست صاحب الحق في التكلم عنها ... ولكن آري أن كل ما نحتاجه قلوب صافية لا تحمل كرهاً و حقداً لاحد ... قلوب يعمرها الإيمان بالله عز وجل ... قلوب لا هم لها إلا حمل المحبة لمن حولها ... حينها فقط نكون مجتمع متكاملاً يسعي إلي الخير ... فليبحث كل إنسان في قلبه وينظر .... هل ما في قلبه يرضي أن ينظر أحد فيه ... فالله عز وجل لا ينظر إلا للقلوب ... فما حال هذه القلوب ...


وفي محاولة لتخفيف عن هذا القلب المريض ... لا أجد شئ أرقي من أن يسامح كل من حوله ... حينها فقط يشعر بسلام داخلي خارجي رائع علي رأي الدكتور إبراهيم الفقي ... وهذا ما أتمني أن أفعله حالياً ...


دي كانت خواطر واحد بيمتحن لم يستطيع أن يقتل تلك الخواطر ... فقال يطلعها سريعاً ... عشان لا يحصلها حاجة جوايا ... ومازل الإنسان يتنفس بصعوبة ...

26 Comments:

At 8:22 AM, Anonymous Anonymous said...

السلام عليكم ورحمه الله وبركاته
شرقاوى باشا ....ما اثرته الان فى منهتى الاهميه

واقول ان اكتشف الانسان ان للقلب ذاكرته الخاصه التى تحتوى على ما احبه الانسان وما ملىء قلبه فى الحياه والاعجب ان تنتقل لاتلك الذكريات والاهواء والميول الى المنقل اليه القلب بما حول


فهذا يعنى بما لا يدع مجالا للشك ان اللفظه القرانيه (القلب وما حوا ) تحتاج منا نظره متفقه جديده على ضواء هذا الاكتشاف المبهر

خاصه وان لفظه حوا او يحتوى على تعنى ان هناك محتوى مادى وملموس لم نكن نعرف مهيته ولا صفاته الا ما مثل تلك الاكتشافات الاخيره

وسبحانه الله الذى خلق (وفى انفسكم افلا تنظرون ) سبحانه

 
At 8:26 AM, Anonymous Anonymous said...

كالعادى جميل ياشارقو


Manas

 
At 8:29 AM, Blogger وضـّاح said...

تأكد أنه سيظهر عليه علامات طاعة لله وحب وتسامح ولو حصل أنا أول واحد هياخد قلبك يا باشا

:):)

 
At 8:33 AM, Anonymous العميد ميت said...

إيه
مين ؟
ليه ؟
هوه إيه
علي كده بقي لو حد خد قلبي سوف يشيع الدنيا كلها أسلحة دمار شامل :D

علي العموم يبدوا إنك عايز تاخد قلب الواد إلي جنبك في اللجنه إلي بيذاكر :D

 
At 8:49 AM, Blogger mohamed said...

فكرة ان قلبي بينبض في جسد غيري

فكرة غريبة

وان كانت حقيقية

 
At 9:03 AM, Blogger خطــاب said...

و ماذا عن قلب يحتاج اعادة هيكلة ؟

 
At 9:14 AM, Blogger cleopatra said...

عمري ما فكرت أن قلبي يكون في جسم حد تاني .. لا بجد شئ غريب جدا ..


بس أعتقد أن اي قلب يا شرقاوي فيه حاجات أكييييييد وحشه .. وفي نفس الوقت فيه حاجات حلوة اوي .. أهمها التسامح ..

 
At 9:54 AM, Blogger علاء said...

ساكتب في وصيتي الا يعطى قلبي لأحد
ستكون فضيحة و أي فضيحة
خبايا النفس الأثيمة التي لا يعلمها الا الرحمن ستفضح
ربي لا تفضحنا يوم العرض عليك
ربي تجاوز عن ذنوبي

اخي الحبيب
لعل تذكرتك هذه تصلح من قلب فاسد
بارك الله فيك و فيمن هم مثلك
سلام عليكم

 
At 10:31 AM, Anonymous عايش مع إيقاف التنفيذ said...

امممممم... خليتني أعيد تفكيري من جديد يا إبراهيم.. بس تصدق خطرت على بالي دلوقتي فكره غريبة، الواحد يصلح قلبه مع ربنا جامد وبعد كده يكتب في وصيته أن ينقل قلبه لواحد تاني يكون قلبه إسود.. لعله ينصلح حاله، وده من باب "ومن أحياها فكأنما أحيا الناس جميعا". مش برضه فكره؟.

 
At 11:04 AM, Blogger أحمد بن شلبي (تكعيب) من نسل آدم said...

بداية يا شرقاووو ... ابعتلك سلامي كون ان دي اول طلة ليا على تدويناتك الفخيمة
.............................
بص ...انا عايز اركز على نقطة ... كون ان احنا من المتحابين في الله ... من المفترض ان هذه القلوب معمورة بفيض من المشاعر والاحاسيس .... لما تلم الكلام ده في سلة واحدة هتلاقي عندك حاجة اسمها "زمرة القلب الواحد" على رأي الاستاذ الراشد
تخيل لو حطينا قلبك -المغمور بشئ اسمه المحبة في الله - لو حطيناه في قلب عمك العادلي او خالك حسني ... يا ترى ايه اللي هيحصل
وبس كده

 
At 12:18 PM, Blogger Kad0o0ora said...

موضوع جميل ياااشارقو

Abdo saleh

 
At 1:44 PM, Blogger عاشقة الرحمن...سميه العريان said...

انا اول ما قرات البوست مصدقتش نفسى

كنت لسه من كام يوم منشوف اعلان البرنامج ده انا وبابا

قلتله يا بابا تفتكر لو حد خد قلب حد هيتاثر بالقلب ده

كالعاده قالى اتفرجى عليه وانتى تعرفى

بس الخاطره الى جت على بالى ساعتها مختلفه عن حضرتك

انا فكرت ان انا الى يتنقلى قلب شهيد كده ولا حاجه او قلب بيحب ربنا اوى ....مش عارفه ازاى بس هو كده

...........ز

خاطرتى بعد قراتى للبوست

اكتشفت انى بدور على حل سريع لقلبى عشان اخلصه من امراضه الكتيره

بس بجد لما فكرت ان قلبى ممكن حد تانى ياخدو لقيت نفسى مش قادره اعد الامراض الى فيه او الى ممكن تكون فى قلب اى حد

كبر-عجب-رياء-عدم رضا-حقد-غل-حسد............ا

انا مش هاقدر اعدهم كلهم

بس ممكن نقسمها قسمين

قسم مع رب العباد

وقسم مع العباد

وجزاكم الله خيرا على التذكره

 
At 3:44 AM, Blogger فـــدوى said...

سبحان الله صديقة لي من يومان كانت تخبرني عن تلك الحلقة على قناة الجزيرة الوثائقية وظللنا نتعجب سويا من عظمة صنع الله
ولكن هل من المحمود ان يعيش اخر بقلبي
وهل من المعقول ان تدق دقاتي بداخله
او هل بالفعل سيحوي قلبه مثلما احتوى قلبي من قبل
وان كان هذا صحيحا فأشك انه سوف يحدث مع قلبي
جزاكم اللهخ يرا على الموضوع

 
At 11:56 PM, Blogger sharkawoo said...

أستاذي عبدالعزيز ..

وعليكم السلام ورحمة الله وبركاته ...

عجيبة بالفعل أمر تلك الذاكرة ... جميع ربط تلك الأكتشافات بالقرآن الكريم ... والأعجاز العلمي فيها ...

جزاكم الله خيرأً أخي الحبيب ...

*****

أخي مانص ...

جزاكم الله خيراً كثيراً ...


****

أستاذي وضاح ..

يا أستاذ وضاح من الصعب الصعاب ... سيبك انت من قلبي ... هات أنت قلبك وسعادتي هتكون أكبر بكثير ...

:)

****

الباشا ميت ...

طبعاً بغض النظر عن الراجل إلي جنبي مستعدين نأخذ قلبك يا جميل :)

بس أعتقد أنه ليس كل الأمور تدخل في ذاكرة القلب لاأني أشعر فقط أنها الأشياء المتكنة في داخل الأنسان فقط ...

ربنا يكرمك يا جميل ...


****

محمد باشا عبدالعاطي ..

هي فكرة أكيد غريبة بس انت مش هتحس بيها خالص ... لان عشان لو هم أخذوا قلبك ساعتها حضرتك هتكون في مكان لا تشعر بيه بشئ من أخوال الدنيا ...

ربنا يعين الجميع ...

****

خطاب ...

محتاجة مجهود كبير جداً ... بس الفكرة إن تبدأ فعلاً في إعادة هيكلته ...

الموضوع فعلاً محتاج مجهود كبير ...


****

الأستاذة كليوبترا ..

طيب ليه لا يتم نقل قلب إليك ... أكيد بردوا الموضوع غريب إنك تعيش بقلب إنسان آخر ... الفكرة علي بعضها غريبة ... بس ربنا يعافينا منها علي العموم ...

وبالنسبة للقلوب ما فيش كلها صافية ولا يوجد أيضا قلوب كلها سوداء ... الفكرة في أي منها يزيد علي الآخر ...

جزاكم الله خيراً ...


****

 
At 12:40 AM, Blogger sharkawoo said...

أستاذ علاء ...

أستاذ علاء أعتقد أنه لن يظهر علي من يحمل قلبك إلا كل خير ...

...جزاكم الله خيراً علي الدعاء


****

عايش مع إيقاف التنفيذ ...

الموضوع مش سهل أوي ومحتاج مجهود كبير أوي ... والله أعلم إن كان ذلك الأصلاح سوف يكون متعمقاً في القلب حتي يشعر به الآخريين أم لا ... الأمر ليس بتلك السهولة ..

علي العموم انا مستني قلبك :D

****

أحمد باشا شلبي ..

الباشا احمد داخل عندي يا للهول ... إيه الجمال دا بس ... ربنا يكرمك ...

تفتكر هتفرق .. يعني ممكن لو حصل تغير قلب لعادلي لواحد من كفابة هينزل معاهم في المظاهرات ويقول يسقط عدلي ... أشك كثيراً الناس دي محتاجة أكثر من قلب ...

ربنا يسترها علينا ...

****

عبدو باشا ...

ربنا يخليك يا جميل ...

****

الأستاذة سمية العريان ...

ياااه فكرة الحل السريع دي خطيرة جداً ... و {اها اكبر مشكلة بتواجهنا ... يعني عاوزين الشباب يبقي كويس بكرة ... وبعد بكرة القدس يحرر ... وإلي بعده نفتح روما ... حاجة غريبة جداً ...

بس فكرة نقل قلب شهيد دي غالية أوي ... لكم نتمني ...

يا رب يصلح قلوبنا ..

****

الأستاذة فدوي

مش عارف الأمر ليس كل ما بداخل القلب ينتقل للاخر ... بس آراها الأشياء المحفورة في القلوب فقط ...

ما زال الأمر صعب للغاية للفهم ... ولكن بالفعل ... لا أرغب في قلب آخر ... أريد إصلاح قلبي فقط ... ام تغيره لا أريده تماماً ...

ولا أعلم لماذا ...

 
At 11:29 AM, Blogger فـــدوى said...

This comment has been removed by the author.

 
At 11:29 AM, Blogger فـــدوى said...

طبعا انا مع حضرتك انا لا اتمنى قلب غيري
ولا اعلم مدى حرمانية هذا الامر

 
At 12:36 PM, Blogger شــــمـس الديـن said...

تدوينة مثيرة للتأمل حقا !

كنت اظن ان كل شئ يحدث من العقل لا القلب ... و عندما احب او اكرة فما اشعر به في قلبي هو جراء تدفق الدم فقط و لم افكر بشئ اخر

و لكن ما تقولة هو عجيب بالفعل !!!!

فلربما يكون القلب هو المحرك الاساسي للانسان و العقل ما هو الا مجرد تجمع عصبي مادي و لكن القلب هو ما يضيف الاحساس و المشاعر و المعاني الانسانية المطلقة كالعدل و الامانة و غيرهما ...

لو لا ان اشك من عدم الامانة في بلدنا لاوصيت بنقل جميع اعضائي التي تصلح للنقل بعد وفاني لاشخاص لا يقدرون علي شرائها ... و لكن لو كنبت او اوصيت بهذا الشئ لربما تم قتلي غذا للانتفاع بقطع غياري :)
لا يضير الشاه سلخها بعذ ذبحها و الحي ابقي من الميت و الواحد في الحالة دي هو اللي هيكون ميت ...

جميلة جدا نظرتك التأملية

خالص تحياتي

 
At 1:28 PM, Blogger The Manager said...

مممممممم
فكرتنى بفيلم قديم كدة بتاع ليلى مراد
نقلولها قلب تانى وبعدين لقيوها بتحب الراجل إللى صاحبه القلب كانت بتحبه ونسيت حبيبها الأولانى

تخيل فيلم من الأربعينات ولا خمسينات كان بالنسبالهم الكلام دة خيال علمى :D

سبحان الله

 
At 1:33 PM, Blogger امام الجيل said...

اللهم ارزقن قلبا صافيا
بجد فعلا الواحد نفسه يكون كده ويكون كل الناس كده يا اخى التعامل مع الناس بقى صعب اوى كل واحد بيحاول يتحايل على الاخرين ويبين انه نمس ومفيش زيه امتا بقى قلوبنا تنضف من الغل والحسد والحقد والضغينة والكره

 
At 4:52 AM, Blogger النجمة الصامدة said...

فعلا اعلان البرنامحج ده شدني جدا
وكان نفسي اشوفه
بس كالعادة ربنا يخلي النسيان


خاطرة حضرتك كانت جميلة فعلا وأفادتني كتير
وخلتني اكيد اراجع نفسي في حاجات كتير


بس فعلا اللي شدني ساعتها في البرنامج
الاعجاز العلمي في القرآن الكريم
لما ذكر آية (إن في ذلك لذكرى لمن كان له قلب أو ألقى السمع وهو شهيد)

سبحان الله القلب كيان غامض
لانزال نكتشف فيه الجديد والجديد

إن في ذلك لذكرى لاولي الالباب


جزيتم خيرا

 
At 10:02 AM, Blogger safealeslam said...

حبيبى و الله الموضوع ده كان شاغل بالى من كام يوم

ازاى الواحد ينضف قلبه من كل اللى فيه ... سؤال يستحق التفكير ..؟

بس لو يعملوا قلوب نضيفى كده و الواحد كل ما يزهق من قلبه يروح يشترى قلب جديد و يبدأ حياة جديده .. تبقى الدنا ديه اخر روقان

 
At 3:18 PM, Anonymous Anonymous said...

سلام الله عليكم
أخي الحبيب شرقاوي
خاطرة رائعة . . و لعلها من أفضل ما قرات علي مدونات شباب الإخوان
أسأل الله أن يطهر قلوبنا جميعا فهو ولي ذلك والقادر عليه

أخوك
فارس . . . بلا جواد

 
At 4:04 PM, Blogger تليفزيون ملون said...

اخي شرقاوي ..
تقريبا دى اول مرة ازور هذه المدونة ... و تبين لى بعد تصفح اني خسرت الكثير لعدم متابعتي لها ..

بالنسبه للبوست ده فقد اثر فى جدا ... و استشعرت معنا واحدا .. و هو انى بنقل قلبي لأحد ساكون قد ظلمته ظلما بينا يحق له بذلك ان يشتكيني امام القضاء او لرب الارض و السماء ..

فهذه هى الحقيقة ..

تحياتي اخى على الخاطرة الطيبة

 
At 6:50 AM, Blogger Sanaa said...

والله القلوب محتاجه لإصلاح كتير ..بس الفكرة دى نفسها غريبةومثيرة جدا. طب لو نقلنا العقول ايه اللى ممكن يجرى ؟
يعنى ينفع مثلا ننقل عقل د.سيف ود.نادية اللى فى كليتنا ، على رأسى؟
ساعتها هابقى بروفيسور نظرية فى قفزة . ولا عقل الدكتور العظيم اللى بيدرسنا تنمية سياسية ، ساعتها أعرف لامتحان وأركن اكوام الورق المرصوصة أدامى على جنب .ههه معلش أعراض حالة الامتحان الأخير .
دعواتكم

 
At 5:10 AM, Blogger roro_forislam said...

حلوة أوى فكرة التدوينة دى

رغم أن موضوع نقل الأعضاء ده بسمعه كتير

ومتعلق بمجال دراستى

بس كل أما كنت بفكر فيه كنت بفكر

فى إزاى الجسم بتاع الشخص التانى هيستقبل العضو
طب إيه المضاعفات

وكتير من الأسئلة المتجمدة

بس حضرتك فكرت فيه بطريقة حسية

ودى فكرة جديدة

ومميزة فعلا

 

Post a Comment

<< Home