Thursday, July 05, 2007

أبحث عن شئ أكتبه

أبحث عن شئ أكتبه ...



لن تكون البداية تقليدية كالمرة السابقة ومرات سابقة عديدة بقولي أني أعتذر بشدة عن تأخري في الكتابة والرد وذلك لضيق الوقت ... ولكن تأخري هذه المرة لعدم وجود شئ أكتبه ... وحتي الأفكار التي وجدت التي يمكن الكتابة فيها قاتمة للغاية وقد يكون مصيري الإعدام من بعض أصدقائي إذا كتبتها بعد أن هددوني كثيراً .... وذلك لأن أغلبها بعيد تماماً عن التفائل الذي يسود حياتنا ... وهنا جاء السؤال ماذا لو لم أجد شئ أكتبه ؟؟؟


طبعاً الإيجابة بسيطة للغاية المدونة هتفضل من غير تحديث حتي أجد ما أكتبه ... السؤال الفعلي الذي يجب أن يسأله الكثير ( الغالبية منهم من المدونين ) متي أتوقف عن الكتابة ؟؟؟


أري أن الأمر من الطبيعي كونه يسيراً عندما أري ما أملكه في داخلي قد انتهي ولا يوجد شئ جديد يمكن أن أضيفه ... وأن الأمر سوف يكون فقط إعادة كتابة الكلام السابق بشكل مختلف ... أو يأخذ شكلاً آخر وهو ما يمكن أن أسميه الإستكتاب ( الكتابة بالغصب ) ومحاولة الأفتكاس حتي لا يصبح وجه الكتاب سئ ويقال أن ما في جبعته قد انتهي ... والكلام إلي هيتقال إنه مش قد الكتابة يكتب ليه ... ربنا يهدي الجميع ... دي كانت خاطرة عن عدم الكتابة في السريع كدا ...


فرحة العمل ...


في مراحل متعددة من عمري كنت دائماً فرداً في الكثير من المنظمات والمجموعات المختلفة الأشكال والأغراض ... سعادتي في علوها وإنتقالها من مرحلة إلي آخري سعادة قد لا يتسعها شئ آخر ما دمت مقتنعاً بها ... وتلك السعادة أصبحت أكبر بكوني أحد الأفراد المؤسسين او من كانوا في طليعة الأمر ... سعادة كسعادة الأب والأم وهم يرون أحد أبنائهم يكبر أمامهم ... ويتذكرون أول إبتسامة له ... وأول خطوات له ... وأول كلامات ... هذا هو شعوري نحو الكثير من الصغار الذين يكبرون سريعاً أمامي الآن ... والذين انتظر إعلانهم عن أنفسهم يكبر واسمهم يظل في كل مكان علامة عن تميز وعمل خالص ... وذلك اليوم هو يوم سعدي ...


في الآخر ..


إلي من يعيشون من اجل أنفسهم فقط ... في الحياة من غير حياة ... إلي أقول ...غيروا من أسلوب حياتكم ... انتظروا إلي حياتكم نظرة آخري ... وابحثوا عن من يساعدكم في الخروج من تلك القوقعة ...


إلي من يعملون ... لا تنسوا أن تجددوا النية لله عز وجل ... وأن تعلموا أن الأمر كله بيد الله ... فلا تنظروا إلي عدة أو عتاد ... وكونوا دائماً في صحبة الخير ... وتذكروا أن الله أمر بالعمل لا بالنتيجة ...


دي كانت خواطر واحد مسافر ... ومازل مسافراً .... وسوف يظل مسافراً لوقت غير معلوم ...

32 Comments:

At 8:06 AM, Anonymous Anonymous said...

جميل ياشارقو

وان شاء الله ربنا يفتح عليك فى الكتابة


زى زمان


Manas

 
At 8:08 AM, Anonymous Anonymous said...

ان شاء الله توصل بالسلامة
بس صدقني مينفعش تكتب بالغصب
اللي انت كاتبه دلوقتي نوع من التنفيس
خلليك كده
كل اما تلاقيك عاوز تبرطم
اكتب
و احنا نعاني :D
بس و الله ربنا يكرمك
و ما تحرمناش من قلمك
سلاام

 
At 8:12 AM, Blogger The Manager said...

السلام عليكم

معلش مش بزور مدونتك كتير

اسف لتقصيري

انت طرحت 3 حاجات فى البوست دة

اول حاجة الكتابة :

رأيي انك كل ما تقرأ حاجة جديدة هييجى فى دماغك تلقائيا حاجات جديدة وتحس انك عايز تكتب
هتكتب رأييك وتكتب وجهة نظرك والحياة تمر :)


تانى حاجة فرحة العمل :

احساس جميل فعلا
مش بحسة كتير زيك :)
نمسك الخشب لكن مش اكر انه جميل

تالت حاجة :

انا معاك طبعا اننا مش نعيش لأنفسنا فقط
لكن لما الواحد يلاقى نفسه هيضيع
وخصوصا لو هيضيع فى الأخرة
يبقى ينجو بنفسه وخلاص
بدل ما يعيش لغيره وهو يدخل الناس ويبقى فشل فى الغرض الأساسى من استخلافه فى الأرض وهو العبادة
وإللى ملوش خير فى نفسه ملوش خير فى حد
النبي صلى الله عليه وسلم يقول :
ابدأ بنفسك ثم بمن تعول

جزاك الله عني خيراً :)

 
At 11:28 AM, Anonymous Anonymous said...

السلام عليكم ورحمة الله وبركاته

انا بقالي فترة كبيييرة جدا مش برد في اي مدونة خالص الا قليل جداا

ودا لاني فقدت القدرة علي الرد او التعليق عن اي شيء :(

ربنا ييسر ان شاء الله وابقي ارد في كل المدونات
---------
بالنسبة للكتابه فا كلام حضرتك تمام
في ناس لمل بتكون مدايقه مثلا مش بتحب تكتب

وفي العكس
وفي بيكتب في كل اوقاته
بس فعلا الاحسن ان الواحد يكتب لما يحس فعلا ان كلامه مفيد او انه عايز يكتب حتي لو كانت افكار مش تفائلية اوي
اكيد هيبقي في حد ينور ظلمة اليأس اللي موجود
----
بالنسبة لفرحة العمل
فانا فعلا بجد نفسي احسها جداااا
ربنا يزيد حضرتك :)
------
اخر حاجة
فأنا رأيي زي سليم شويه
ان الواحد يصلح من نفسه الاول وبعدين اللي حوليه .. بس دا ميمنعش ان الواحد ينصح اللي حواليه من حين لآخر



معلش الرد كان طويل :(

 
At 2:01 PM, Anonymous Anonymous said...

ربنا يفتح عليك وتكتب لنا مواضيع حلوةومفيدة زى زمان

 
At 7:47 PM, Blogger Alaa said...

هتلاقي كتير
بس انتا بص حواليك
ملايين
مش الوف حتى
هتلاقي كتير
:)

 
At 3:07 AM, Blogger mo'men mohamed said...

جزاك الله كل خير
بس ان كان على الحاجة اللى حيتكتب فيها فهى كتير
فمثلا انا كنت راكب القطار مع اخى جمعاوى روش طن
ولقينا موقف معين
صورنا الموقف ده وعمله هو موضوع
شوفت
عمل موضوع من لا موضوع
السلام عليكم

 
At 1:24 AM, Blogger عمك ياض said...

السلام عليكم ورحمة الله وبركاته

اسلوب حضرتك في الكتابة جميل اوي ومواضيعك مفيدة ماشاء الله
ربنا يكرمك

وان شا ءالله تلاقي حاجات تكتبها و تفيدنا بيها :)

 
At 4:49 AM, Blogger بن توفيق said...

حبيبى مش لاقى حاجة تكتبها

اكتب عنىوعن اخوتنا وحبنا لبعض فى الله

اكتب عن الخماسى .. الحبيب الى قلبك

اكتب عن شرقاوى اللى الناس متعرفوش وانا اللى اعرفه


بلاش فضايح لحد كده .. المهم تكتب

لانى بحب اقرأ اللى انت بتكتبه

 
At 10:46 PM, Blogger Unknown said...

متقلقش يا شارقو
ده احساس بيحصلنا كتير
لكن هى فتره وهتعدى بأذن الله
واحنا فى انتظار الجديد

 
At 11:48 AM, Anonymous Anonymous said...

جميل ياشارقو

وان شاء الله ربنا يفتح عليك فى الكتابة


زى زمان


... ودي مشكلة عندي برده
غاوي حرية
يا ريت تشرف مدونتي
http://gawyhorya.blogspot.com/

 
At 3:34 PM, Blogger اسماء العريــان said...

ابدا تعليقى بسؤال .. هل ما زال الخوف يتملكك ام تملكته انت ؟؟

بالنسبه لموضوع الكتابه ممكن تسترجع اهدافك ... وبما ان المدونه دى وسيله من الوسائل لتحقق غايتك واهدافك
... فاكتب عن هدف من اهدافك وتكلم عن خطتك للوصول اليه

فلا تقلق اذا توقف العقل فما زال القلب ينبض .. فالافكار ستاتى قريبا باذن الله ... ولكن تذكر اهدافك

 
At 7:36 PM, Blogger Rehab Saber said...

حضرتك اتحسدت :D

ربنا ييسرلك الخير اخى .. وان شاء الله تعود كتابات حضرتك تانى

 
At 6:49 AM, Blogger شاب نفسة يحقق حلمة said...

يارب تلاقي حاجه تكتبها
وتكون حلوه
وتمتعنا بكتاباتك زي الاول
تحياتي الشديده ليك

 
At 11:07 AM, Blogger FloNa said...

انا اعدت افكر كتير اوي في حكاية ان الواحد مش لاقي حاجة يكتبها ..

بس مش عارفة خفت في الاول بعدين قلت لا مش ممكن

الحياة مليانة حاجات تتكتب ويتعلق عليها

ده الواحد بمر بالف موقف في اليوم

وببقى في قلبه مية حاجة يكتبها

ربنا ادانا قلب نحس بيه ونكتب مشاعره

وادانا عقل نفكر فيه ونشارك الناس افكارنا ..


لا ان شاء الله يبقى هيه فترة وحتعدي :)

وحتلاقي حاجة تكتبها بعد كدة باذن الله :)

 
At 12:41 PM, Anonymous Anonymous said...

بالنسبه لتوقف الافكار,انا كانت جتلى حاله مماثله بس كان عندى افكار و كلها داخله فى بعضها و مش عارفه اكتب ايه...

و طول ما حال مصر و العرب كده عمر ما الكتابات ما هتخلص ابدا...

و طول ما احنا بنمشى فى الشارع و نشوف الناس و نكتسب خبرات عمر ما كتاباتنا هتخلص...

و ربنا يعين الجميع...

 
At 1:54 PM, Blogger saiaf said...

جزاكم الله خيرا

ولا معبرنى تعمل البوست و ما تقولى

بصراحة جزاكم الله خيرا

كده 3 حركات

برااااااااحتك

 
At 2:50 PM, Blogger عمر عاشق القرآن said...

حلو اوى كده يا جميل
موضوع حلو وتحس انه صادق اوى ومن القلب

 
At 4:38 PM, Blogger shabfa2re said...

الف مبروك النجاح يا جميل

 
At 4:00 PM, Blogger ahmed mefrh said...

الخوف من المجهول من ابجديات فطرة الانسان و من تملكه سار وراءة كالمسلسل بالحديد و النار و من شعر بعدم وجودة فلابد ان يراجع نفسه بل لابد من ذهابه
الى الطبيب لكى يعالج منه كونه فطرة من طبائع البشر التى فطر الله عليها خلقه
اخوكم
ابو مفراح
abomefr7@blogspot.com

 
At 5:20 PM, Blogger break said...

تيجى بالسلامة من السفر ان شاء الله
كل ما اجى اكتب بوست جديد بفكر فعلا طيب دلوقتى انا ف دماغى فكرة لو مكنش هكتب ايه !!
وغالبا الواحد بيكتب لما بيبئا زعلان ويقول انا زهقان و زعلان ومكتئب
اما لو كان فرحان مبيعرفش يكتب بيكتفى يكون فرحان
يعنى دايما تلاقى الناس بتشتكى
ف دا الطبيعى متقلقش
لو ملقتش حاجة تكتبها اعرف انك فحالة مزاجية كويسة

تحياتى

 
At 2:18 AM, Blogger علاء عارفين said...

و الله وانا كمان بيجيلي بال 10 ايام مش لاقي حاجه اكتبها

اما عن الافكار السودا و كده فحدث ولا حرج

بس انا بقى حاولت اخرج نفسي من المود ده شويه

مفيش حاجه مستاهله . .كبر دماغك

 
At 4:25 AM, Blogger Bent Elqran said...

السلام عليكم

على فكره الحالة اللى حضرتك فيها دى بتحصل كتييييييييييير للناس كلها ده حتى بيجى وقت بكون مش عايزه اتكلم أصلا مش أكتب بس لكن الحمد لله بتكون فتره وبتعدى والواحد بيرجع يمارس الحياه تانى ومن غير أى مشكله خالص

بس لو الواحد هيعد يفكر يكتب ايه ؟؟؟
هيلاقى كلام كتييير أوى
الكلام عمره ما بيخلص
ولا الأحداث بتتجمد
لا الدنيا بتقف

بإذن الله هترجع لطبعتك وهااكلم وتقول كل اللى حضرتك عايزه بدون قيود أو ضيق أو حتى ملل
ولو مش عارف تكتب إيه بس إنزل إمشى قى الشارع وتأمل كل اللى حواليك
وهتلاقى حاجات كتييير تتكلم فيها

وربنا يفك ضيقك

واطلق لقلمك العنان ليكتب وليبدع كما تعودنا من سيادتكم

ومعذرة على الإطاله فى الكلام

والسلام عليكم

 
At 3:00 PM, Anonymous Anonymous said...

هو حضرتك لسه مالقيتش حاجه تكتبها ولا ايه ؟؟

 
At 2:09 PM, Blogger Fahd said...

اخي شرقاوي
لم اكن اعلم ان وراء هذه الشخصية البشوشة المرحة التي تجيد الضحك والمزاح والمرح اجد وراءها كل هذاالاحساس الجميل صدقني قد التمست في كلماتك احساس جميل تعبر عن وجدان رقيق راقي
انا احبك في الله واحببتك اكثر حينما عرفت عنك اكثر من خلال كتاباتك

ثانيا بالنسبة لموضوع الكتابة فهو كاي شيء يزيد حتي يصل للقمة ثم يهبط ليصل للقاع وهكذا كل شيء في الدنيا مثل منحني الساين اسمه صاينوصويدل
فده شيء عادي
وفي امر تاني هل انت كاتب وهذه مهنتك ام انك تستخدم الكتابة كوسيلة لتوصيل افكارك وارائك للناس
لو كانت الاولي فالامر يحتاج منك مران كثير حتي تستطيع الكتابة في كل الظروف والاحوال
اما لو كانت الثانية فالامر بسيط فحينما تتبلور فكرة ما في رأسك الجميل ستجدها كاتفاحة التي تطيب علي الشجر تسقط من تلقاء نفسها فتكتبها للناس

حبيبي في الله اتمني لك التوفيق في حياتك وان اعرفك اكثر

 
At 8:57 AM, Blogger belal said...

أنا بأيد علاء..ملايين الموضوع تنتظرك يا بطل

 
At 11:20 AM, Blogger mosaferfel7ayah said...

لاااااااااااااااا
مش بعد ما كتبت كل ده يتمسح

خلاصة اللى كنت عايز اقولهولك

1- اننى اعتبر مدونتك من مصادر بهجتى وزيارتى لها تضفى البهجة الى قلبى
وذلك لاسباب:أ- اجد كثير من كلماتك كانها نابعة من داخلى
ب- مشعرنى باننى لست ذلك الحارب الوحيد والاخير وان هناك اخرين حولى..خلفى وامامى وبجانبى يتوافدون رويدا رويدا ليحاربوا من اجل ان يصبح الكون مكان يستحق الحياة فيه
ج- يذكرنى بايام...كانت لحياتى قيمة فيها

انا ايضا ما كنت استطيع الكتابة منذ فترة
لماذا لاننى كنت اخجل من ان اكتب
لان ما كنت سأكتبه كان سيصدم العديدين .
ليس فقط لانه صادم بل لانه يخالف تصور الناس عما يظنون اننى سأكتبه

وهذا قمه فى القسوة
عليك ان تتألم وتتأذى ولا يحق لك ان تشكوا لماذا ؟ لان المقربين منك لا يعطوك الحق الا فى بضعة احاسيس لا يتقبلون ان تشعر بغيرها

لماذا اذا اكتب ذلك الان
لان الفترة الاخيرة مرت عصيبة على
وانا مؤمن ان الوضوح يؤدى للسلام النفسى والتصالح مع الذات والعالم

لذلك
اكتب يا شرقاوى عندما لا تجد شيئا لتقولة
فقط قل
ايها السادة انا فقط لا اجد ما اكتبه

والسلام ختام
...يتبع ..

 
At 12:00 PM, Blogger عاشقة الرحمن...سميه العريان said...

ربنا يفتح على حضرتك

 
At 5:50 AM, Blogger sharkawoo said...

مانص باشا ...

ربنا يكرمك يا حبيبي ...

قريباً جداً إن شاء الله ...

*****

عبدالرحمن عياش الكبببببببير :)

انا ببرطم ... ماشي يا عياش لما أشوفك يا ريس ... لا إن شاء الله نعود قريباً ...


****

مانجر بيه ...

تعليقات أعتز بيها كثير يا جميل ... بالنسبة لآخر حته ... لا أري تعراض بين الأثنين في غالب الأمر إلا في القليل ... لان أغلب الأشياء بمكن العمل بها بالتوازي ...:)

*****

أختنا الزهراء ...

هي الحالة وضلت لعدم القدرة علي الرد :)

تقدم بردوا ...

كلام حضرتك سليم طبعاً .. بخلاف آخر نقطة إلي بعترض فيها عم الباشا سليم :)


*****

st

إن شاء الله قريباً ...


*****

عمو علاااء :)

أدعيلي بس آلقي حاجة :)

معلش بقا العتب علي النظر وعن القدرة علي الكتابة ...


*****

مؤمن محمد ...

قريباً أعود للكتابة ... ولكن ليس من طريقة كتابتي أن أكتب من لا كتابة ... يعني أنا مش جامد في حاجة زي دي ...:)

ربنا يسترها ...

*****

 
At 3:21 PM, Blogger هاني جابر said...

السلام عليكم
ديه اول مره ازور مدونتك
جميلة جدا ما شاء الله ربنا يباركلك
وان شاء الله ربنا يبارك في قلمك وتمله المدونة مقالات
علي فكره من عاش لنفسه مات ولم يسير وراءه احد
ومن عاش لله ولعباد الله سار ورائه امة لا إله إلا الله
ياريت تشرفني بزيارتك
لا تنساني من دعائك

 
At 4:01 AM, Blogger sharkawoo said...

عمه :)
وعليكم السلام ورحمة الله وبركاته ...

ربنا يكرمك يا باشا .... قريباً إن شاء الله ....

*****

حبي بن توفيق ...

والله دي حاجة أكيد هكتب عنها قريب ... بالنسبة الكتابة عني لا دي حاجة ليس في الجدول بس ممكن نكتبها ليه لا ... :)

*****
Lost love

إن شاء الله هيعدي ... وهنكتب تاني ...

*****

الأخ إلي غاوي حرية :d

إن شاء الله ... كلنا هذا الرجل يعني ...

*****

أختنا أسماء العريان ...

والله هناك أسباب مختلفة لذهاب الخوف دا ... يعني 3 حاجات كدا تقريباً اتحلت :) ربنا يسترها ... إن شاء الله قريباً ... جزاكم الله خيراً ...

*****

Arabian girl

ممكن بردوا ... ممكن أخلي المعوذتين يتقرأوا أول ما حد يدخل المدونة ... إن شاء الله ...

*****

شاب نفسه يحقق حلمه

إن شاء الله ... ربنا يكرمك يا جميل ...

*****

أختنا فلونا ...
ربنا يكرم حضرتك ... المواقف كثير ولكن من يكتب عنها ؟.... ومن يضيغ لها ... ممكن تكون قدرتنا علي الكتابة تتوقف قليلاً ... إن شاء الله قريباً ...

*****

مللت الصمت ...

وجه نظر صحيحة بالطبع ... إن شاء الله قريباً ...

*****

سيف باشا ...

لا والله مش القصد يا ريس ... بس أنت عارف بقا السفريات والكلام الكبير دا :)... انا تحت النظر يا أفندم ...

*****

عمر بااشا ...

ربنا يكرمك يا جميل .. دا بس عشان انت قلبك صافي ...

*****
فقري بيه ...

الله يبارك فيك يا جميل ....

 
At 4:19 AM, Blogger sharkawoo said...

أبو مفراح ...

جزاكم الله خيراً أخي الكريم علي تلك الكلمات ...

*****

Break

ممكن أكون دلوقتي في حالة جيدة للغاية ... عشان كدا مش عارف أكتب ... بس لحظتها كنت مكتئب للغاية عشان كدا بردوا مش عارف أكتب ... هلي لحظات قد يستغلها المرأ او لا ... :)

*****

دكتورنا ...

الأفكار السودا دي مافيش أكثر منها ... لا أكيد في حاجات تستاهل ... بس في حاجات بردوا مش مستهلة ... ربنا يسترها ...

*****

بنت القرآن ...

وعليكم السلام ورحمة الله وبركاته ...

كلام حضرتك صحيح ... مش عارف يكتب ولا عارف يتكلم ... بس دي حالة صعبة للغاية ... كدا الواحد ممكن يحصله حاجة ... إن شاء الله ... بالنسبة للنزول انا أصبح المقر الرسمي للجلوس علي الكوبري انظر إلي النيل لا لشئ آخر ... اللهم آمين ... جزاكم الله خيراً ...

*****

لا لقيت 

*****

أخي الحبيب ...

أحبك الله الذي أحبتتني فيه ... يا ريت تقول لناس إن بعرف أضحك وابتسم عشان نسيت الكلام دا عني :) .... ربنا يكرمك علي تلك الإحساس ...

هما الأثنين الصراحة ... بس الحالة المزاجية بتفرق كثير الصراحة ... إن شاء الله يا أخي الكريم .. ولكم أنتظر رؤيتك قريباً ....

*****
بلال ...

إن شاء الله

*****


عمو نادر :)

ا ربنا يكرمك يا جميل ... دا بس من دواعي سروري مروركم عليا ...
ب أتمني أن أكون كذلك بالفعل --- جـ - تلك الأيام تنتظرك مرة آخر ... انت من يعيدها وانت من يبعدها ....

هناك أشخاص كثيرة لا تظهر جميع شخصياتهم من خلال المعاملة فقط ... ولكن هناك أيضا أجزاء خفيه كثيرة ... قد تكون الكتابة أحد تلك الأجزاء المخرجة لها ... بس علي الجانب الآخر قد تكون العبرة في طريقة خروج تلك المشاعر ... أما أن يكونوا من المقربين ولا يتحملوا ذلك ... فالأمر يحتاج إلي تفكير كبير ... ربنا يعينك يا حبيبي ...

إن شاء الله ...

*****

أختنا سمية العريان ...

اللهم آمين ... حمد لله علي سلامة حضرتك ...

*****

هاني جابر ...

وعليكم السلام ... هذا من دواعي سروري تلك الزيارة ... اللهم آمين ... أعانكم الله أخي الكريم

 

Post a Comment

<< Home