Thursday, June 14, 2007

رسالة إلي حبيبتي


لم أكن أعلم أنه من الصعب للغاية الكتابة عن إنسان تحبه ... وأن الأمر قد يأخذ وقتاً طويلاً لتفكير في مدخل للكتابة عنه ... ولكن لا أجد بداية مناسبة غير أن تكون البداية بقول " لكم أحبك يا أمي الغالية" ... فالمواقف التي في الذاكرة عديدة لا تنقطع ... والمشاعر الدافئة التي تملك فؤداي لا تنسي ... لذلك أرسل لكي يا أمي في يوم ميلادك باقة من الأزهار والورود ... مع كل

زهرة ووردة الكثير والكثير من المشاعر انثر ريحانها سريعاً ...


مشاعر حب وعرفان ... مشاعر تقدير وأحترام ... تحملها باقة من الورود والزهور إلي من لها النصيب الأكبر من الفضل علي بعد الله عز وجل ... إلي أغلي وأقرب الناس لقلبي ... إلي أمي الفاضلة ...


وأزهار من حبي إلي أمي الغالية التي تحملت في تربية أبنائها الكثير والكثير من غير أن تشتكي أو تظهر ألماً ...


وورد من الحب إلي أمي العظيمة التي دائماً ما كانت السند وقدمت الآخرين علي نفسها ... وهي سعيدة راضية ...


وباقة متنقاه إلي من إهتمت بي ... وحملت همي ... إلي من أسرها فرحي ... و أتعبها حزني ...


إلي من علمتني خطواتي الأولي في الحياة ... إلي من حفظتني الكلمات الأولي ... إلي من قرأت لي الكتابات الأولي ...


و من قلبي إلي قلب أمي أقول ... لكم أتمني أن أظل بجانبك دائماً ... وتكوني راضية عني ... فخورة بي ... دائماً أستيقظ علي صوتك ... وأنام علي صورتك ... في أحضانك أشعر بالآمان والدفء ...


إلي أمي في يوم ميلادها ... لكم أتمني من كل قلبي أن يطيل الله في عمرك ... وأن يشفيك من أي ألم ويخفف عنكي أي حزن ... وأن يرزقك ويرزقنا رضا الله عنا ... وأن أكون أنا وانت و من نحب في جنات الخلد بجوار الحبيب محمد صلي الله عليه وسلم ...

33 Comments:

At 2:07 PM, Blogger المصير said...

فعلا يا صديقى العزيز احنا كنا محتاجين موضوع زى ده نفتكر بيه فضل الام علينا بعد ان الهتنا الدنيا عنها .. ولكم ينفطر قلبى مما يحدث للامهات تلك الايام من عقوق و معامله اسوء من الحيوانات .. فلا حول ولا قول الا بالله

 
At 2:17 PM, Blogger cleopatra said...

بوست أكثر من رائع .. حقيقي أمهاتنا بيدونا كتييير اوووي .. وقدرتهم علي العطاء كل شويه بتزيد .. واحنا تقريبا مش بنعملهم حاجه ..

 
At 2:36 PM, Blogger semsem said...

كل سنه وماما طيبه
وربنا يخلهالك

 
At 2:53 PM, Anonymous Anonymous said...

كل سنة ووالدتك طيبة ياهيما وربنا يباركلك فيها يارب ثصدق ياابراهيم سبحان الله ممكن الاعمال اللي احنا بنعملها دي كلها متنقظناش يوم القيامة ممكن بس دعوة من والدتك او عمل كنت بتعملهولها وهو غالي عليها وتذكر قصة اصحاب الغار كان فيهم واحد بار بابويه فكان هذا العمل منجيه من مهلكته0
اخوك في الله عز

 
At 6:07 PM, Blogger Alaa said...

ربنا يخليهالك يارب
و عقبال ما تكمل مية سنة
طبعا ساعتها هتكون انتا مت و شبعت مووت
هههههههههه
ادعيلي

 
At 8:24 PM, Blogger mohamed said...

كل عام وانتي بخير يا ماما

وربنا يصبرك علي الحاجات الطويلة دي اللي بلاقيها في الشقة رايحة جاية
وتعباكي علي طول

 
At 2:14 AM, Blogger فوضى منظمة said...

كل عام ..وانت واهلك والدتك بخير وهناء وسعادة وصحة ... بوست جميل اوي يا شرقاوي..وربنا يخللنا مهمهاتنا كلنا ..ان شاء الله

 
At 3:23 AM, Blogger break said...

ربنا يخليلك مامتك
بوست رائع فعلا
وربنا يخليلى مامتى كمان

تحياتى

 
At 4:01 AM, Blogger خطــاب said...

الام يمكن الشخص الوحيد الى مش ممكن ترد لهم الجميل
او حتى جزء من الجميل
ربنا يجمعنا بأمهاتنا فى الفردوس يا رب

 
At 4:41 AM, Blogger عمر عاشق القرآن said...

يا سيدى أدامكم الله لبعضكم

وبجد الواحد أحيانا بينشغل بالناس اللى بره عن اللى جوه (جوه البيت أقصد) وده شم صح خااااالص

 
At 11:49 AM, Blogger بن توفيق said...

جميل الشعور ده قوى
وبمعرفتى الكبيرة بشرقاوى اعرف قد ايه هو بيحب والدته
وبمعرفتى بوالدته .. اعرف قد ايه هى بتحبه قوى وتخاف عليه قوى

بس نصيحة يا حبيبى .. اوعى تزعلها

 
At 12:46 PM, Blogger None said...

كل ده علشان السباعى

اتجوز

كل ده من اثره

يلا
لربنا يبنى

يكرمك
وتلحق تجوز
وسلاااام

اه صح

كل سنه ومام طيبه

 
At 3:05 PM, Blogger MONDAHESH said...

كل سنة ومامتك طيبة

وربنا يخليهالك وترضي عنك علي طول

 
At 4:11 PM, Blogger جهاد خالد said...

كل عام ووالدتك بالف خير
كلمات مست شغاف القلوب
اسال الله لك رضاها وبرها

 
At 9:57 PM, Blogger The Manager said...

كل عام وهى بخير

وهى بالفعل تستحق اكثر من ذلك اخى شاركو , وانت ايضا ابدعت فى هذا البوست الرائع , وياريت كلنا نشعر بدورنا تجاه امهاتنا ونحاول نأدى لهم جزءمن حقهم علينا

وجزاك الله خيرا

 
At 2:41 AM, Blogger عمرو المصري said...

كل عام ووالدتك بخير
شعور جميل منك جدا تجاه امك وان كان ده هو المفروض مننا تجاهها اساسا

واحلي حاجة كمان ان الموضوع كمان جاي في اوقات عادية
مش عيد ام ولاحاجة
حاكم فيه ناس متكتبش كلام زي ده غير في عيد ام وبس

ربنا يكرمك يااخي

اتمني تشريفي بزيارتك هناك
في
ارض الحرب

 
At 11:14 AM, Blogger اسماء العريــان said...

ربنا يخليهالك ويجمعك معاها فى الجنه ان شاء الله

 
At 7:35 PM, Anonymous Anonymous said...

ماشاءالله

احسست فى معانى كلماتكم بعمق الشعور

وفقكم الله ورزقكم رضاها

 
At 3:00 AM, Blogger hafed mohamad said...

ربنا يخليكو لبعض

الأم مدرسة اذا أعددتها
أعددت شعبا طيب الأعراق

 
At 3:20 AM, Blogger huda gamal said...

كل سنه ووالدتك بخير يارب ..
كلام جميل ومؤثر
ربنا يحفظلك والدتك ويحفظك ليها
ويحفظلنا أمهاتنا جميعا يارب ويبارك فيهم ....
وأسمحلى أقتبس منك الدعاء ده(( وأن يرزقك ويرزقنا رضا الله عنا ... وأن أكون أنا وانت و من نحب في جنات الخلد بجوار الحبيب محمد صلي الله عليه وسلم)
وأعممه علينا وعلى أمة سيدنا محمد صلى الله عليه وسلم
تحياتى لقلمك البار...
أسفه على الاطاله

 
At 3:33 AM, Blogger شيماء الجيزى said...

كل عام وهى فى الف حب
والف هناء

وبضم صوتى لصوتك
واقولها

بحبك يا امى

تحياتى

 
At 7:03 AM, Blogger Rehab Saber said...

ماشاء الله

بوست جميل

ربنا يكرمكم ..انا حسيبت الكلام جدا لامى ..ربنا يخليهم لينا

 
At 5:54 AM, Blogger أحمد بن شلبي تكعيب said...

آمين .. آمين

انت عارف يا شرقاوو ... التدوينة دي في الجوون .... بالنسبة للمغتربين اللي زيي

ربنا يكرمك بوالدتك ويرزقها الصحة وطول العمر والعزم والثبات على الرشد

 
At 4:22 PM, Blogger me said...

ربنا يكرمها ويحفظها ويطول في عمرها
اللهم آمين
فعلاً احنا مهما عملنا مش هنعرف نرد ربع جميلهم
ربنا يعيننا على حسن برهم وطاعتهم وينولنا رضاه ورضاهم

 
At 4:25 AM, Blogger barbie girl said...

كل سنة ومامتك طيبة

 
At 5:18 PM, Blogger عمر السباعي said...

كل سنة وماما طيبة يا حبي

ويا رب يخليهالك وميحرمكوش من بعض خالص

اد ايه كلمة امي بتحمل الكثير من المشاعر الدافئة

 
At 4:07 PM, Blogger صاحب البوابــة said...

أخي الكريم

سعدت للغاية بالتعرف إليك في المؤتمر

أدعو الله ان يديم هذه الاخوة

تحياتي

 
At 2:20 PM, Anonymous Anonymous said...

فعلا موضوع مهم قوى ولازم كلنا نهتم بية بالدات لان لوصلحت الامهات صلحت المجتمعات

المدونة دى جميلة قوى ومواضيعها قوية جدا بس فيها عيبين الاول ان مافيش ردود على التعليقات ومانعرفش اذا كان المدون بيقراها اصلا ولا لا ثانيا ان مافيش مواضيع كتيرة كل كااااااام فترة لما موضوع يبقى يتكتب

 
At 11:44 PM, Anonymous Anonymous said...

السلام عليكم
سألت سؤال فى المدونه عندى ويهمنى جدا اعرف رأى المدونين و ازاى هيجوبوه
عسى ان تعم الافاده
.
.
.
الدعوه عامه

 
At 3:24 AM, Blogger sharkawoo said...

انا بعتذر عن تأخري في الرد ...

ولكن هرد حالاً اهوا

أخي الأسطورة ...

فضل الله الأم معروف ... ولكن للاسف ننسي سريعاً ... الغريب حتي أن الحيوانات لا تفعل ذلك ... فعلاً لا حول ولا قوة الا بالله


اختنا كليوبترا ....

جزاكم الله خيراً ... من ناحية ما تعطي الأم فهي بالفعل تعطي الكثير ... جزاهم الله عنا خيراً ... طبعاً أحنا محتاجين نعدل نفسنا ... :)


اختنا سمسمة ...

وحضرتك بالصحة والسلامة ... اللهم آمين ...



اخي عز ...

وانت طيب يا باشا ... دعوة الأم دائما تكون خارجة من القلب لا لشئ آخر ... وهذه هي عظمة الأمر في العطاء دون إنتظار مقابل ....



أستاذي علاء ...

اللهم آمين ...يا سيدي مش مهم انا ... المهم ماما ... ربنا يعينك يا أستاذنا ...


محمد باشا ...

وانت طيب يا جميل ... يا سيدي هي مبسوطة انت زعلان ليه بس 


عمو شاهين ...

الله يخليك يا عمو ... طبعاً انت لما تكلم عن الأمهات هيبقي بوست مليان أوي ... عاوزين نشوفه ....


اختنا break

يا رب يخلي كل الأمهات يا رب ... تحياتي لكم أيضاً ...


خطاب باشا ...

طبعاً مستحيل ترد الجميل لوالدتك .. أو حتي جزء بسيط ... اللهم آمين ....


عمر باشا ...

اللهم آمين ... دي أحد مشاكلنا ... أكيد مش صح خالص .... لازم يكون في وقت مخصص للبيت وللأم ...

 
At 3:31 AM, Blogger sharkawoo said...

حبيبي بن توفيق ...

ربنا يخليك يا جميل ... بلاش تشريد بقا يا عمي الحاج ... دا إحنا في مركب واحدة :

***

فنان باشا ...

لا أوعي تقلق ولا تفرق معانا الحاجات الصغيرة دي ... وانت طيب يا جميل ....

***

الأفكاتو مندهش ...

وانت طيب يا جميل ... يا رب ..

***

أختنا النجمة الصاعدة ...

وحضرتك بالصحة والسلامة ... ربنا يكرم حضرت م ... اللهم آمين ....

****

شيخنا مانجر 

وانت طيب يا جميل ... طبعاً تستحق كل خير ... قد يكون هناك شعور جميل ولكن لا نستطيع أخراجه بطريقة سليمة ... وجزاكم الله خيراً كثيراً ...

***

أخي عمر المصري ...

وحضرتك بالصحة والسلامة ... ربنا يكرمك ...مشكلة معرفة الأم في المناسبات زي إلي يعبد ربنا في رمضان بس ... طبعاً هذا شئ غير مقبول بالمرة ... إن شاء الله ازورك كثيرا ً...

****
أختنا أسماء العريان ...

اللهم آمين ...

****
أختنا شهيدة الأقصي ...

جزاكم الله خيراً ... اللهم آمين ...

***
حبيبي حفيد محمد ...

الله يخليك يا جميل ... إن شاء الله وانت بتختار زوجتك بقا 

****

 
At 3:41 AM, Blogger sharkawoo said...

أختنا هدي جمال ...

وحضرتك بالصحة والسلامة ... جزاكم الله خيراً علي تلك الأضافة الغالية ... اللهم آمين ...

***

الصحفية شيماء الجيزي ...

وحضرتك بالف هناء وسعادة .... نحبك كثيراً يا أمنا ... تحياتي لكم ...

***

أختنا كات ...

جزاكم الله خيراً ... يا رب يخليهم لينا علي طول ...

****

عمي أحمد باشا شلبي ...

ربنا يخليك ليا يا حبي ... معلش يا عم المعترب الأجازة جت أهي ... اللهم آمين ...

***

أختنا خديجة ...

اللهم آمين ... الجميل الذي فعلوه لا جزاء له منا ولكن من عند الله عز وجل ... ربنا يعنا علي طاعتهم ...

***
باربي جير ..

وحضرتك بخير ...

***

الواد عمر السباعي ...

وانت طيب يا جميل ... اللهم آمين ... أكيد ... 

***

صاحب البوابة ...

وانا أيضا ... اللهم آمين ...
***
St

دا شئ منطقي للغاية ...

بالنسبة للعيبين ... التعليقات أكيد انا بقرأها كلها ... مرة وأثنين وثلاثة ... بس انا فعلاً مقصر في الردود الفترة السابقة ... وها أنا أصلح الخطأ ... ثاني حاجة ... نحاول نكتب سريعاً إن شاء الله ...

***
حراس االحقيقة ...

إن شاء الله 

 
At 3:46 PM, Blogger Lobna Ahmed Nour said...

الام مش مجرد حبيبة .. لا دي ست الحبايب

ربنا يخليهالك ويخليك ليها

و طبعا البر ثم البر ثم البر

تحياتي

 

Post a Comment

<< Home