Friday, April 27, 2007

تاج ... بس أوعي

دائماً في حياتي لا أحب الأسئلة الكثيرة ... وخاصة إذا كانت شخصية ... بس لما يكون محمود سعيد إلي باعت التاج إلي فيه الأسئلة يبقي الموضوع ليه شأن تاني ... بس ماشي يا محمود ليك يوم ... أجيلك في أسكندرية وتعزمني عزومة كدا عالمية ... صحيح التاجات دي بتفكرني حاجة كدا في منتدي كل الطلبة إسمها إستديو النجوم ... كنت دائماً بحاول الهروب منها بس كنت بقع فيها ... ربنا يستر ...

من هو:
أحب شخص لقلبك فى الدنيا؟

إنهم أبي وأمي ... حيث أن لهم في قلبي مكانه ليست لغيرهما ... صحيح أنا تاعبهم حبتين ثلاثة ... بس بردوا هم أعز قلبين إلي قلبي ...

انسان مستعد تضحي بحياتك –ركز فى كلمة حياتك- عشانه؟

عائلتي ... فإن كان لابد أن من حياته تذهب فلكم أتمني أن تكون نفسي ... بس هو عشان حد الموضوع هيكون غريب أو شئ مستبعد ... ولكن إن كانت في سبيل فكرة ... فأهلاً وسهلاً ...

اسم أول حب؟

أفتكر إن أول واحدة شفتها ... طبعاً بعد الممرضة والدكتور ... ماما ماما ... هي أول حب وآخر حب زي ما بيقولوا ...

اسم اخر حب(حتى الان)؟

أنواع الحب كثيرة ... إن حب في الله أو ما شابه ... فهم كثير للغاية ... بس إنتوا ممكن تصبروا عليا شوية وأنا هبقي أكلمك علي أجمل قصة حب في الله ... قصة الخماسي ... أما ما هو حب بين الرجل والمرأة ... فلم يوجد حتي الآن ...

انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟

إيه يا عم العنف دا كله ... أنا لا أفعل هذا مع عدو لي ... هذا شبه مستحيل ... دا أنا طيب ... حتي إسألوا أي حد يعرفني ...

ما هو :
اسم أجمل كتاب كتبه بشر قرأته ومحتفظ به حتى الان ؟

في أي مجال طيب ... والله يا سيدي أنا لا أتذكر الكتب كثيراً ... ولكن أحب كتاب السيرة النبوية لشيخ الصلابي ... وكتب الأستاذ محمد أحمد الراشد ... طبعاً دا غير الرسائل ...

اسم كتاب-كتبه بشر برضة- انت متعلق بيه وبتقرأه كل فترة؟

لا ما فيش كتب بقرأه أكثر من مرة إلا نادراً جداً جداً جداً ... أعتقد كتاب مذكرة دعوة وداعية للإمام حست البنا ... و أفتكر أن هناك كتيبات قرأتها أكر من مرة لدكتور خالد أبو شادي ...

اهم جهاز منزلى انت متعلق بيه او بتستخدمه كتير ؟

الكمبيوتر يا باشا ... غير طبعاً الحاجات بتاعت المطبخ ...

شىء تحس بالراحة النفسية عندما تنظر اليه ؟

غروب في وسط البحر ... أبدع حاجة ممكنه ... ويا سلام لو تكون السماء بها بعض السحب القليلة ... ولا أبدع ...

مكان تحس فيه بالحنين الى شىء لا تدرى ماهو و ذكريات جارفة الى لاشىء ؟

المدينة ... أحب مكان إلي قلبي ... مكان لا يمكن وصف درجة الراحة النفسية ... والجمال ... لكم أشتاق إلي المدينة المنورة وإلي مسجد حبيبي صلي الله عليه وسلم كل يوم ... ولكم أتمني أن يتفضل عليها والدي ... ويطلعني عمرة قريب ... عشان انا تعبان أوي ... أو أي حد من أصحاب القلوب الرحيمة ... إنها دعوة لفعل الغير ...

مكان تحس بالراحة عندما تدخله ؟

المسجد ... وسريري ... المكانيين دول ما فيش أمتع منهم ...

اجمل مدينة زرتها داخل مصر ؟

والله دي حاجة ناس كثير أوي قد يختلفوا فيها ... هي القاهرة ... أجمل مكان ... بعض النظر عن الزحمة والخنقة وكل حاجة ... لها مكانة ليست لغيرها ...

أجمل مكان طبيعي رأيته داخل مصر؟

أي مكان في بحر ... أو نيل ... كدا يعني ...

نوع هاتفك المحمول؟

نوكيا أحد موديل ... موبيل بكشاف ... صوته ولا أبدع ... شاشته ولا أنقي ... إنه وبكل فخر 1100 ...

سرعة بروسيسور جهازك ؟

طبعاً مش عاوز أتكلم عن أسرع جهاز ... بلاش بقا عشان الفضائح ...

حجم ذاكرة –هارد- جهازك ؟

120 جيجا تقريباً ...

المساحة التى تشغلها المواد الاسلامية على جهازك ؟

لم أحسبها حقيقة ... ومكسل كمان ....

نفس المساحة السالف ذكرها فى قلبك-الاجابة لنفسك عشان الرياء يا اخواننا ؟

ربنا يرزقنا المزيد من الأخلاص ...

أهم هدف انت واضعه لحياتك دلوقتى ؟

توصيل فكرتي ...

مواصفات فتاة –أو فتى للبنات- الأحلام بالنسبة لك ؟

آآآآآآآآآه يا ولدي ... الموضوع دا محتاج كثير أوي يا باشا ...

إمبارح براء كان بيكلمني في الموضوع دا إمبارح ... قالي إنه عاوز أخت عندها شقة وعربية دا غير طبعاً إنها حلوة وجميلة ومن عائلة كبيرة ... طبعاً دا غير الحساب إلي في البنك .... دنيا زائلة يا براء يا أخويا .... أوعي تفكر فيها خالص ... وأنا عارفك أكبر من كدا ...

المهم نتكلم إحنا ...

الفكرة طبعاً ... إن فتاة الأحلام يجب أن تختارها علي أساس إنها سوف تظل معك ما قدر لكما من عمر ... وهذا الشئ يجعل الأمر يفكر كثيراً قبل إتخاذ أي قرار ...

عني نفسي لابد أن تكون من عائلة محترمة ... متدينة للغاية ... أو يمكن نقول من الأخوان أفضل ... أو أعتقد أن لا أتزوج إلا هكذا ... أحب أن تكون شخصيتها قوية ... عارفة بأمور دينها ودنياها ... عاقلة ... ذكية ... صبورة .. حاجات كثيرة ... لا مانع أن يكون الشكل مقبولاًَ ... ولكن لن يكون هو الأساس ... إنتم عارفين طبعاً وأنا صغير كان شعري أصفر وعنيا خضرة ... وحاجات كدا يعني ...

صف ما يأتى :
شعورك لما بتسمع كلمة مصر؟

بلدي التي احبها حبأً شديد ... أنتظر أن تعيش في حرية قريباً ...

شعورك لما بتسمع كلام عن اليهود ؟

ناس لا أكرهم في ذاتهم ... ولكن أكره أفعالهم ... شعوري بالحرقة علي أخواني ... في فلسطين ...

شعورك لما بتشوف ظابط شرطة ؟

ضباط الشرطة أنواع ... أمين الشرطة وأمثاله ... لا شئ غير طبعاً الناس المرتشية منهم ... غيرهم من إلي قلبك بيكرهم دول ... بأشعر بسرقة مصر ...

شعورك لما بتشوف الكناس العجوز فى الطريق ؟

رجل يظل يعمل حتي آخر يوم له ... شعور بالجمال ...

لون البطانية اللى بتتغطى بيها فى الشتاء ؟

بني ... أيام والله وهي معايا ...

لون الجورب-الشراب- المفضل لديك ؟

الأسود ... و الأبيض ...

احساسك اذا داست قدمك فى الطريق على مخلفات اخراج حيوان- *** ولا مؤاخذة- ؟

إحساس بالخنقة ... إن ربنا أداك عنين تشوف بيهم ... وأنت ولا هنا ...

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف ؟

ربنا يوفقه لكي يفهم الإسلام ... ويطبقه في باطنه كما يطبقه في ظاهره ...

احساس يراودك فى اشارة مرور مغلقة بسبب مسئول كبير؟

إحساس جامح في إخراج الكثير مما في النفس ... وإن كان إخراجها لها عواقب كبير ... طبعاً أكيد عشان كدا هتعرف ليه بتنفس بصعوبة ...

بقالي كثير أوي بكتب في التاج دا ... إلي يا حاج محمود سعيد ... ماشي خيراً ... طيب إحنا نبعته لمين لمين ... يلا الناس دي تفرح جالها تاج مني ...

نجوم الحيرة

كش ملك

غريب

فنان جيولوجي

لافتات

بن توفيق

وجع قلب

واحد مصري

16 Comments:

At 1:12 PM, Blogger بن توفيق said...

كالعادة يا شرقاااوى
تهرب من الاسئلة بصنعه لطافه
لكن اجاباتك .. يلا مش مهم
انا صاحبك وهستر عليك

اما بخصوص التاج اللى انت عاوز تدبسنى فيه ده
فانت عارف رايى فى الموضوع ده
لكن مش هكسفك .. لكن انت عارف الظروف بتاعتى اليومين دووول
اعدك قريبا جدا ان شاء الله هنزله :)

 
At 1:44 PM, Blogger shab masry said...

يا نهارك ابيض...
ده انت ليلتك ليلة.. انا برضه قلت الكلام ده .. اه يا بابن الذين:D:D

ده ادعاء يا جماعة صدقوني... او تخاريف ليل.. باة في حد برضه يا شرقاوي يخرج الساعة 2 الصبح امال فين القيام يا شيخ:P:P:P

وبعدين انت عارفني يعني... طول عمري راجل عصامي(F)
مكون نفسي بنفسي.. وهجوز نفسي بنفسي ان شاء الله:D:D:D:D

اخر حاجة كنت بتفرج على شوية صور النهاردة.. فلقيت صور عجبتني اوي بصراحة .. صور شقة نحنوح في فيصل:D:D:D
فاكر الي حصل هناك يا شرقاوي:D:D
انت صعبت عليا من الي حصلك يا بني... فابعد عني احسن:P:P:P:P:P:P

 
At 2:34 AM, Blogger Maha said...

ههههه

ضحكت كثيرا وأعجبتني الإجابات .. بارك الله فيك ..

 
At 4:21 AM, Blogger محمود سعيد said...

طبعاً عزومة اسكندرية محفوظة يا معلم

بس لما الصيف يجى

بس بتقلب عليا المواجع ليه وتقول المدينة وعمرة

تيجى نروح مع بعض عمرة فى الصيف
بلا أكلة سمك بلا اسكندرية بلا وجع دماغ

على فكرة انت عمال تقول الحاج محمود
ومتعرفش إنى حجيت 5 مرات

كلهم قبل البلوغ :-)

 
At 5:32 AM, Blogger khadiga said...

بجد إجابات جميلة

وأخيراً لقيت حد بيحب يقرأ لمحمد أحمد الراشد

معرفش ليه كل ما أقول لحد اسمه

بيقولي مين ده

بزعل جداً

 
At 8:01 AM, Blogger امام الجيل said...

ايه الاسئلة الحلوة دى والاجابات احلى كمان ربنا يوفقك وتجيب موبايل 1110

 
At 9:01 AM, Blogger شاويش said...

ادخل عندي مين القياده وومين انا

 
At 3:34 PM, Blogger Arabian GiRl said...

اجاباتك جميلة ماشاء الله :)

ربنا يوفقك

 
At 3:39 AM, Blogger سفير الود said...

لون البطانية اللى بتتغطى بيها فى الشتاء ؟


بني ... أيام والله وهي معايا


إجابة تذكر بالسجون:)

أبعد الله الجميع عنها

 
At 5:23 PM, Blogger وضـّاح said...

ما شاء الله

جميل إجاباتك

والأجمل التدبيسة

ربنا

يسااااااامحك

 
At 5:50 PM, Blogger 3am negm said...

اسلوبك جميل
ربنا يباركلك

 
At 2:09 AM, Blogger RABANY said...

جميلة هي مدونتك وجميل هو احساسك
اعجبني العمق والنضج في اجاباتك
اتمني لك المزيد والمزيد في الغوص دائما في دخائل نفسك وتعود لنا بكل ما هو جميل

 
At 3:21 PM, Blogger FloNa said...

حضرتك ذكي ما شاء الله :)


جزاك الله خيرا امتعتنا باجاباتك :)

 
At 6:09 AM, Blogger احمد رفعت said...

واد يا شرقاوي يا دبلوماسى خليك عندك شفافية وجاوب بصراحة .

حاسس ان عندك حاجات مستخبية كان المفروض تبوح بيها ولم تخرجها .

يجعلة عامر

 
At 10:06 AM, Blogger david santos said...

Work of Master! Thank you.

My next work goes to be published in Árab, the heading is: Egpto, the mother of the World

 
At 1:46 PM, Blogger ASADMASGON said...

ميبقاش شرقاوي لو معملشي كده احسن واحد يهرب من الاسئله بي اجابات جميله تنفع تكون سياسي في مستقبل يبني

 

Post a Comment

<< Home