Sunday, April 15, 2007

نظرة آخري



يحكي أن رجل ذهب إلي صديقه الطبيب يشتكي له من زوجته ... حيث أخبره أنه كلما نادي علي زوجته لا ترد عليه ... وهو ما يثير غضبه بشده ... فما كان من الطبيب إلي أن إبتسم وقال له في المرة القادمه حينما تنادي علي زوجتك ولم ترد عليك فأقترب منها وهكذا ... رجع الرجل إلي بيته وجاءت الفرصة من أجل تجربة ما يقوله الدكتور الصديق ... فنادي طالباً الأكل فلم يجد لما يقول رد ... إقترب أكثر ... فما زال الأمر كما هو من غير رد ... فما كان منه إلا أن ثار وذهب إلي زوجته غاضباً وقال لها أنا مش بنادي عليكي وبقول جهزي الأكل وأنتي مش بتردي عليا مع إني ناديت عليكي أكثر من مرة... فما كان منها إلا أن قالت من أول مرة ناديت وعليا وانا رديت وقولتلك الأكل جاهز يا حبيبي تعالي إتفضل ... ( فهمت حاجة ولا لسه ؟؟؟ )


الراجل دا المشكلة كانت فيه هو ... يعني هو إلي مش بيسمع من الأول ... ورغم ذلك مش مقتنع تماماً إن المشكلة من عنده هو ... أو حاول يدور عليها جو نفسه ... وأن المشكلة كلها من الخارج حتي لو كانت أقرب الناس فيه إلي هي زوجته ...


قد يكون لكلامي دلالات كثيره علي أمور آراها ولكن قد أحب التصريح كثيراً ...وربما حكيت الأمر من منظور شخصي ... فكل إنسان قد يأخذ هذا الأمر علي نفسه ... وعلي المجال الذي هو فيه ... ليري أين تكمن المشكلة ... وإلي أي طريق هو ذاهب ... ولكن ما أحب أن أعلق عليه هل يا تري كانت زوجته تعرف المشكلة التي تكمن فيه ولم تخبره خوفاً علي شعوره ... لان أري دائما أن أي مشكلة قد تقابلنا لا يتحملها الفرد الواقع بها فقط ... ولكن جميع من هو حوله ....



أحد أساتذتي يخبرني عن حل المشكلة وإن حل المشكلة يكون في ثلاث مراحل جميع كلماتها يكون فيها حرف ( ع ) المعرفة – الأعتراف – العلاج ويؤكد علي أن المشكلة كلها تكمن في المرحلة الي في الوسط الي هي الأعتراف ... فالكثير يرفض أن يعترب بوجود المشكلة أو أن المشكلة قد تأخذ هذا الحيز ...وهو دائماً ما قد يزيد في المشاكل ....



كان في داخلي الكثير من أجل أخرجه ... ولكن قد يكون ما أشعر به لا يخرج من خلال ما أكتبه ... فكثيراً ما يحتاج الأمر إلي مجهود كبير في أخراج ما في النفس ... وتبعاً لما آراه في شخصيتي فهو أمر ثقيل للغاية ولا يمكن أن يكون سريعاً كما إعتقدت سابقاً ... فذلك كان سبب في تأخري في الكتابة بالإضافة بالطبع إلي إنشغال الكبير خلال الفترة السابقة ...



في النهاية أحب أن أشكر كل من ساعدني خلال الفترة السابقة ونصحني كثيراً ... فالله وحده لكم أحبكم كثيراً في الله ... وجزاكم الله خيراً كثيراً...





أعتقد أن علي الكثيرين من المدونيين الوقوف بجانب عبدالمنعم محمود صاحب مدونة أنا أخوان ... في ما هو فيه ... فقد تم إعتقاله بالإمس من المطار ... وقد أخذ 15 يوماً علي ذمة التحقيق ... أعتقد أننا يجب أن نكون بجانبه ... وبجانب كل مطارد أو مسلبة منه حريته في ظل الجو السائد ... وها نحن نري آثار التعديلات الدستورية سريعاً ... كما توقع الكثير ...



ودمتم سالمين ...



26 Comments:

At 11:40 AM, Blogger omar elgarhy said...

والله يا حبيبي كلامك ده فى الجون
فعلا احيانا يبقى الواحد من خلال نظرته للموضوع يقول انه على صواب وان الغلط من الطرف التانى

مع ان الواحد لو فكر انه يبص للموضوع من وجهه نظر الطرف التانى هيعرف يحدد المشكلة فين بالضبط
كتير من المشاكل .. اصلا مش مشكلة
انما بتظهر المشاكل من عدم اتفاق الطرفين على النظر للموضوع من نفس المنظار

وده سبب وجود المشاكل فى حياتنا

 
At 11:41 AM, Blogger omar elgarhy said...

وعلى رأي واحد مهلس

نعيب زماننا والغلط راكبنا .. ولو نطق الزمان لنا لشتمنا

:d

 
At 11:52 AM, Blogger Arabian GiRl said...

نعيب زماننا و العيب فينا

و ما لزماننا عيب سوانا

و نهجو ذا الزمان بغير ذنب

و لو نطق الزمان لنا هجانا

فدنيانا التصنع و الترائي

و نحن به نخادع من يرانا

و ليس الذئب يأكل لحم ذئب

و يأكل بعضنا بعضاً عيانا

 
At 2:36 PM, Anonymous أنس الشامي said...

مش هقول أكتر من

نعيب زماننا و العيب فينا

بس خلاص

صاحب الهوامش

 
At 2:38 PM, Anonymous أنس الشامي said...

ربنا يصلح حالنا أجمعين

 
At 3:27 PM, Anonymous Anonymous said...

ربنا يكرمك يا حبى

دائما ما ذكرتنا بأشياء تغيب عن عقولنا

فعلا الموضوع ده بيسبب مشاكل كتييير جدا

مع ان الحل موجود هو ان الواحد ينظر الى وجهة نظرة

لكن يتشبث بوجهة النظر هذه و يظن انها هى الصواب و يدافع عنها بشتى الطرق و الوسائل

لكن اذا تنازل لحظة عن وجهت نظرة قد تحل المشكلة فى لحظات معدودة

(رأى خطأ يحتمل الصواب و رأى غيرى صواب ةيحتمل الخطأ )

 
At 3:39 PM, Blogger بن توفيق said...

حلو موضوع مراحل حل المشكلة دى
المعرفة فالاعتراف فالعلاج

ارى الان يا شرقاااوى انك وصلت للمعرفة .. وبدات فى مرحلة الاعتراف
وان شاء الله قريبا توصل للعلاج الصح

وربنا ييسر الحال ان شاء الله قريبا

 
At 3:41 PM, Blogger MONDAHESH said...

اعتقد ان لو كل واحد حط احتمال انه ممكن يكون رأيه غلط


ممكن يتوصل لحل لمشكلته

لكن مشكلتنا ان كل واحد بيشوف اه هو اللي صح واللي قدامه غلط وماعندوش اي استعداد انه يفكر ان هو نفسه ممكن يكون غلط

 
At 5:56 PM, Blogger AbdElRaHmaN Ayyash said...

ya 3m shar2awy wallahe enta bt2ol 7ekam
elmoshkela fe elnazra lelmoshkla msh felmoshkela
post gameela
salamo

 
At 10:07 PM, Blogger محمود سعيد said...

فهمت المكتوب

والصراحة باحب الأمثلة جداً والأسلوب ده

بس على جنب
مفهمتش إيه دخله بالموضوع :-)

 
At 1:06 AM, Blogger آية said...

رأيي خطأ يحتمل الصواب ... ورأيك صواب يحتمل الخطأ ..

دي قاعدتنا مع دكاترة الكلية ..

جميل جدا النظر إلى الأمور من عل .. بتكشف للانسان جوانب كثيرة ممكن تكون غايبة عنه ..

بس هو للاسف نحن لا نمتلك طول النفس لاكتشاف الامور من جميع الجوانب والأوجه ..

موضوع جميل يا أخ شرقاوي ..

وبالنحو الصحيح هيكون أجمل :D

ــــــــــــــــــــــــ

بالنسبة لموضوع عبدالمنعم فالمفروض كل واحد يعمل عصف ذهني لسبل التضامن معاه..

عشان نطلع بأكبر قدر ممكن من الافكار

 
At 3:04 AM, Anonymous محمد جمال said...

ربنا معاك ياشرقاوي
اسلوبك رائع رغم انه مش باين عليك الكلام الكبير ده
بس نقول ايه شيد حيلك هي فترة و ان شاء الله تعدي
استعن بالله و لا تعجز

 
At 4:12 AM, Blogger وضـّاح said...

السلام عليكم

جميل فعلا المقال شرقاوي

لو كل واحد فكر إن المشكلة قد تكمن في داخله .. مأكد أشياء كثير ستصلح دون خلافات

 
At 10:05 AM, Anonymous Anonymous said...

نحن نري آثار التعديلات التدسورية سريعاً ... كما توقع الكثير ...


وحياه أبوك تصلحها

الدستوريه مش ناقصه لخبطه

 
At 11:26 AM, Anonymous Anonymous said...

طيب والحل اييه ياااشارقو على كدا


Abdo Saleh

 
At 2:37 PM, Blogger fnan_geology said...

جامد البوست بجد يا شرقاوى

اقولك بصراحه اول بوست اقرهولك واقعد مكمله لاخره

بجد بوست جامد وجبت اللب بتاع الموضوع كله والناس اللى علقوا فعلا قالو الخلاصه

بس ماشاء الله 15 تعليق لحد دلوقتى
شكل موضوع اخوان اون لاين عمل شغل عقبالنا


وبلنسبه لعبد لمنعم فعلا انا بعمل عصف ذهنى بس عايزين عصف ذهنى جماعى

وسلاااااااااااام

 
At 3:25 AM, Blogger DR_NIGHTWING said...

البوست رائع جداً

وكما تقول حضرتك تكمن المشكله في الاعتراف

و لكن ~أحياناً يكون الاعتراف ليس كافيأص عندما يكون العلاج خارج يديك

 
At 11:31 AM, Blogger احمد رفعت said...

حبيبي شركو
كلامك صح جدا المشكلة اللي فعلا انا شايفها اننا مجتمع اتربينا على اننا نسمع ما نحب ان نسمعه ومش كده بس سرعان ما نلقى الاتهامات على الناس علشان بنفسر كلام الناس بما نحب ان نسمعه لا بما يريدوا قوله .

ربنا يكرمك حبيبي على الموضوع الجميل ده

 
At 11:49 AM, Blogger bebo said...

ولو ان الموضوع فيه لفه طويييييييييله بس المعنى جميل جدا جدا
لو كل واحد بص فى ورقته الاول و شاف عيوبه قبل ما يتهم الناس بيها .. بجد حالنا هايتقدم

 
At 2:36 PM, Blogger لن أستكين said...

عاجل : الريس اتخطف يا رجالة

http://egyptianjokes.blogspot.com/2007/04/blog-post_14.html

 
At 5:27 AM, Blogger اصرار أمل said...

موضوع راااااااااااائع للغاية
ولكن مشكلتنا أنا أحيانا لا نقبل أن يكون الخطأ فينا ؛؛
بل يمكننا تصديق وتوقع الخطأ فى أى كان ماعدا أنفسنا ؛؛؛
تدوينة رااائعة بحق ...
أعاننا الله ؛؛؛
وفك قيد أسرانا ...

 
At 1:40 PM, Blogger محمد السيد said...

أنا إخوان ... الكلمة هي السر وهي السبب ... وإذا عرف السبب بطل العجب ...
أنا إخوان ... من الجامعة إلي التخرج إلي الإعلام إلي الصحافة إلي كل ما له علاقة بالإعلام ...
أنا إخوان ... في المظاهرات وفي النيابة وفي المحاكم وفي مباحث أمن الدولة وفي سجن المزرعة بطرة ...
أنا إخوان ... كانت مدونته تقولها بوضوح ... وللأسف كانت في نظر نظام بلده هي جريمته ... لكن له كانت شرفه وعزه ...
كان الخبر كالتالي ...
"قامت قوات مباحث أمن الدولة في ساعة مبكرة من صباح اليوم الجمعة بمداهمة منزل المدون والإعلامي المصري عبد المنعم محمود الصحفي بموقع الإخوان بالإنجليزية ومراسل قناة الحوار البريطانية بمصر ولم يكن وقتها موجوداً بمنزله . "
ولمن لا يعرف مين هو "منعم" مثلما كنا نناديه ...
"عرف بين الصحافيين والناشطين السياسيين بلقب " رويتر الإخوان " أحد أبرز شباب الإخوان المعنيين بالشأن الإعلامي وأحد الأوائل الذين بدأوا نشاط التدوين الإخواني ويعود إليه الفضل في لفت أنظار الكثير من مدوني الإخوان الحاليين إلي هذا المجال وتعد مدونته " أنا إخوان " أحد أبرز المدونات العربية في الوقت الراهن ."
وكان ردهم اعتقاله .... وبالتالي نتقدم إليهم بردنا ....
مدونو الإخوان المسلمين .... واعترافا منهم بفضل "منعم" عليهم ... واعترافا منهم بجهد كل مدون قال كلمة الحق في وجه الظلمة ... وتواصلا مع مسيرتهم .... يقررون ما هو آت ...
باسم العشرات بل المئات من مدوني الإخوان المسلمين ....
منهم الشباب والشابات.... منهم الرجال والسيدات والأطفال ...
منهم الأسر اللي اعتقل عائلها .. ومنهم الكثير اللي غيب أحبابهم وراء القضبان ...
الكلمة اللي أقسمنا نحميها ونقولها ونعلنها ...لن يوقفها سجن ولا معتقل ولا محكمة ...
الصوت اللي خرج من وسطنا ... لن نسمح له إنه يسكت أو يضعف أو يتردد أو يرتعش ...
المدونات اللي كتبت حكايتنا وأيامنا ...خواطرنا وأفكارنا ... يوم بعد يوم حتزيد وتكبر...وتوصل لكل الناس ...
إحنا اخترنا خطابنا يكون بلهجتنا ... وبلغتنا ... عشان يوصل باسمنا ويعبر عننا ...
واخترنا نوصل رسالتنا لكل الجهات ... للفضائيات والجرائد والمجلات ولكل الكتاب والصحفيين ... وقررنا ننشرها في كل المنتديات ... والمدونات ... والمواقع ...
حملة من أجل البلد دي ... حملة ضد السكوت والخضوع والخرس, ضد الاستسلام والسلام والهوان, حملة نرفض بيها القضايا المتلفقة وشهداء الزور وأدعياء الثقافة والكتبة اللي كتابتهم كلها تحت أمرالنظام وأسياد النظام .
وفي إعلانا هذا لا نفصل أنفسنا عن باقي المدونين أو تجمعا خاصا مقتصرا علينا ... بل علي العكس نتقدم فيه بالشكر كل الشكر لكل من ساعدنا في دنيا التدوين, ونعترف له بالسبق والفضل, وكم أسعدتنا صورة "عبد المنعم محمود" وهي تملأ عشرات المدونات متضامنة متكاتفة مساندة ...
- كلنا إخوان ...رغم السجون والمعتقلات والقضايا والمحاكمات ...
- كلنا إخوان ... فكرة آمنا بيها وضحينا عشاناها ومستعدين نبذل لأجلها كل غالي وثمين ...
- كلنا إخوان ... طريق اخترناه ورسمناه ... وكنا عارفين إنه صعب وشائك ومليان بالصعاب ...
- كلنا إخوان ... وتراب البلد ده بنحبه وبنموت فيه ... وأحلي أيامنا يوم ما نشوفه حر وعزيز ...
- كلنا إخوان ... وبنحب أهلنا وجيرانا وإخوانا ... وعشانهم نعمل أي شيء ونضحي بكل حاجة ...
- كلنا إخوان ... برغم كل اللي ظلمنا وحبسنا ...وبرغم كل اللي سكت علي اللي بيجري لنا ... وبرغم كل اللي حرض وتآمر علينا ...
نقدر نقولكم مش حنسكت و مش هنبطل ... لسانا هو أساسنا ... غرباء؟ ممكن ... لكن حنفضل من الناس ...
بنحب النور وبنحب البلد دي ...لأنها بلدنا ... وبنحلم لها بالحرية ... ألم الوطن ألمنا كلنا ... وشايفين فيه أحلي ما في الدنيا ...
وفي الختام :
1- نطالب بالإفراج الفوري عن عبد المنعم محمود وكافة معتقلي الرأي في مصر.
2- نطالب المنظمات الدولية لحقوق الإنسان ومنظمات المجتمع المدني بإدانة الإنتهاكات الصارخة لحرية التعبير في مصر
3- نرفض التعامل الأمني مع قضايا الرأي والنشر الصحفي والإلكتروني
4- نؤكد على تضامننا الكامل مع مجتمع المدونين على مستوى العالم في حرية التعبير عن الرأي بكافة وسائل النشر المتاحة.
وفي النهاية ... كلنا إيمان عميق... بأن الحق منتصر وأن الصواب هو الحقيقة الوحيدة ... وأن لكل فجر ظلمة تسبقه ولكل نصر تضحيات ترسم خطاه .

مدونو الإخوان المسلمين

حضرتك لو موافق علي البيان ده ممكن تبعث بموافقتك علي الإيميل ana_ikhwan2007@yahoo.com بس ياريت بسرعة عشان يتنشر في مكان .
أو ترد علي مدونتي .
وياريت تنشره لكل مدوني الإخوان اللي تعرفهم .

 
At 6:57 PM, Blogger safa7_karmooz said...

انت طلعت فى المقال ده

http://www.ikhwanonline.com/Article.asp?ID=27672&LevelID=1&SectionID=107

 
At 12:09 AM, Anonymous محمد جمال said...

يابني دي من يوم 15/4 يعني قديمة اوي وانا معلقلك عليها كمان
علي العموم
كل سنة وانت طيب و ربنا يجعله عام عمل وخير وثواب عليك
كده انا اول واحد يهنيك

 
At 3:16 PM, Blogger عاشقة الرحمن said...

بوست جميل

وبالنسبه لمقدره حضرتك انك تخرج الى جواك فدى محتاجه تدريب وتعود

ننتظر باقى التدوينات

 
At 10:52 PM, Blogger AbdElRaHmaN Ayyash said...

وقع بيان المدونين للتضامن مع عبدالمنعم محمود
شارك بتوقيعك
أنشر البيان في كل مدونة تعرفها
ساهم في حرية المدونين .. وحرية منعم
http://free4monem.blogspot.com/

 

Post a Comment

<< Home